影片
更多
2012-12-31
1923 瀏覽
呢午我地一行８人分３批出發去＜外野手＞，我同另一位同事一齊最後出發的，當去到時已經叫哂野食，只等我地到場就開始食啦。呢個午餐都過得幾開心，抽完禮物再食食食埋最後嘅野食，埋單每人＄５６，除了我唔會飽之外，其他同事相信真心覺得好飽，因為我地８個人都叫咗好多野食，每款份量都幾多，最後同事們都要盡量食食食，可是都有淨少少鍋物裡的餸菜吖。整體上，食物水準同以前食過幾次都一樣，冇乜特別驚喜，不過不失，可是裝修了又加了單位後環境更窄，枱與枱之間實在太迫，坐埋牆的位置要出去都要叫隔離枱Ｄ人借借，實在不嫣意思。枱座太多，人手又不足，想點多款食物或加添茶都要等了又等。因為野食太多，有Ｄ都影唔到相，以下係影到相食過嘅~~~炸豆腐($34)：外脆內軟，湯汁一般。雜錦壽司定食($54)：海膽三文魚卷、三文魚、𩶘魚、希靈魚、馬刀貝、鰻魚、蟹捧及蝦，份量都唔少，新鮮但賣相麻麻。帶子、三文魚生飯定食($68)：份量好多又新鮮，有小帶子、甜蝦、三文魚、車厘茄和椰菜，唔怪之得咁多枱都叫咗，抵食。金菇牛肉卷($50)：照燒汁ＯＫ，牛唔韌，普通。香茅魚餅($32)：都幾燶，少少香茅味，魚餅普通。雜錦刺身定食($54)：呢個又
呢個午餐都過得幾開心，抽完禮物再食食食埋最後嘅野食，埋單每人＄５６，除了我唔會飽之外，其他同事相信真心覺得好飽，因為我地８個人都叫咗好多野食，每款份量都幾多，最後同事們都要盡量食食食，可是都有淨少少鍋物裡的餸菜吖。
整體上，食物水準同以前食過幾次都一樣，冇乜特別驚喜，不過不失，可是裝修了又加了單位後環境更窄，枱與枱之間實在太迫，坐埋牆的位置要出去都要叫隔離枱Ｄ人借借，實在不嫣意思。枱座太多，人手又不足，想點多款食物或加添茶都要等了又等。
因為野食太多，有Ｄ都影唔到相，以下係影到相食過嘅~~~
炸豆腐($34)：外脆內軟，湯汁一般。
雜錦壽司定食($54)：海膽三文魚卷、三文魚、𩶘魚、希靈魚、馬刀貝、鰻魚、蟹捧及蝦，份量都唔少，新鮮但賣相麻麻。
帶子、三文魚生飯定食($68)：份量好多又新鮮，有小帶子、甜蝦、三文魚、車厘茄和椰菜，唔怪之得咁多枱都叫咗，抵食。
金菇牛肉卷($50)：照燒汁ＯＫ，牛唔韌，普通。
香茅魚餅($32)：都幾燶，少少香茅味，魚餅普通。
雜錦刺身定食($54)：呢個又係抵，又新鮮，有三文魚、𩶘魚、希靈魚、蟹捧、甜蝦及帶子，付白飯、麵豉湯，正！
豬扒柳川鍋飯($46)：豬扒鬆軟唔乾，滑蛋都ＯＫ。
蝦天婦羅拉麵定食($56)：呢個真係等了又等，終於出場，湯好鮮連帶椰菜都好好食，蝦天婦羅炸得唔錯，靚仔又大又好食。
張貼
