影片
更多
2019-01-04
112 瀏覽
聖誕佳節，除左買禮物收禮物，更加要好好對待自己。 聖誕大餐，今年唔食西餐，食日本菜，仲要係高檔嘅Omakase，賣相要精美、食材要優質。一早問左朋友，佢推介銅鑼灣地鐵站附近嘅「鮨川」，訂好位，準時到，坐喺壽司吧枱，觀賞師傅做每道菜，都係一種享受！ 三款Omakase套餐，揀左最平個餐「雲」，每位$1080。板上面已經有四款酸物，可以每道菜品之間清一清口腔，而我最鍾意係粉紅色嘅籮白漬物。【前菜三點】岩石蛋、煙燻鴨胸、芝士西京燒，中間以少少花瓣做點綴，夠精美。岩石蛋分開左蛋白同蛋黃，味道更有層次。之後店員俾左專用紙巾我地清潔手指，可以用手食，哈哈，第一次用手食壽司，感覺好特別！【壽司】上半場有七款壽司，介紹四款。用手攞住食，唔點醬油都得，左口魚入口帶有陣陣清新柚子味。赤貝顏色夠新鮮，爽脆甜味。牡丹蝦中間有啲粉末，好有蝦味。 細問之下原來係燒香左嘅蝦頭再磨粉，味道好突出。海膽粒粒分明，零渠味，只有鮮甜味，高質素。 要即刻食，脆脆紫菜口感更好！【料理】日本芥末醬燒真蠔，先係視覺上嘅享受，芥末醬燒到熱辣辣起晒氣泡，夠吸睛！ 甜中帶點點辣味，但又唔會嗆鼻，味道配搭得好好。【壽司】下半場有五款壽司，
一早問左朋友，佢推介銅鑼灣地鐵站附近嘅「鮨川」，訂好位，準時到，坐喺壽司吧枱，觀賞師傅做每道菜，都係一種享受！ 三款Omakase套餐，揀左最平個餐「雲」，每位$1080。
板上面已經有四款酸物，可以每道菜品之間清一清口腔，而我最鍾意係粉紅色嘅籮白漬物。
【前菜三點】岩石蛋、煙燻鴨胸、芝士西京燒，中間以少少花瓣做點綴，夠精美。岩石蛋分開左蛋白同蛋黃，味道更有層次。
之後店員俾左專用紙巾我地清潔手指，可以用手食，哈哈，第一次用手食壽司，感覺好特別！
【壽司】上半場有七款壽司，介紹四款。
用手攞住食，唔點醬油都得，左口魚入口帶有陣陣清新柚子味。
赤貝顏色夠新鮮，爽脆甜味。
牡丹蝦中間有啲粉末，好有蝦味。 細問之下原來係燒香左嘅蝦頭再磨粉，味道好突出。
海膽粒粒分明，零渠味，只有鮮甜味，高質素。 要即刻食，脆脆紫菜口感更好！
【料理】日本芥末醬燒真蠔，先係視覺上嘅享受，芥末醬燒到熱辣辣起晒氣泡，夠吸睛！ 甜中帶點點辣味，但又唔會嗆鼻，味道配搭得好好。
【壽司】下半場有五款壽司，介紹兩款。
石垣鯛上面有粒粒金黃色烏魚子，雙重鮮味。
金目鯛亮麗嘅鮮紅色魚皮，再經火炙，油脂更豐富。
【湯】大蜆清湯好清甜，鮮味十足，忍唔住大口大口飲。
【果物】北海道赤肉蜜瓜，甜到一個點，日本生果的確係唔同啲，超正！ 好想食多幾件呀！
成個餐真係好美味，加上服務超好，物有所值。 期望儲儲銀彈，再來品嚐！
張貼
