影片
更多
2016-01-06
877 瀏覽
環境：比想像中細，有啲暗。牆上面有好多舊相，不過冇寫時間地點，如果介紹埋會更好。好熱好焗，熱到好似冇開冷氣咁食物：有＄638嘅聖誕餐，不過食物唔太吸引，所以散叫算數花雕蒸蟹鉗：一上菜就聞到勁香嘅花雕味，浸住一隻大蟹鉗，側邊有少少蟹肉，有啲薑絲。蟹肉鮮味稍遜，而且肉質有啲削，唔得蝦子柚皮：一份有半塊柚皮。個獻唔鹹，柚皮入口即化冇苦澀味，但係一齊食個感覺似係獻有獻味，柚皮有柚皮味，兩者唔可以二合為一，但都合格嘅龍王老少平安：睇openrice嘅相見到落咗好多豉油，屋企人唔鍾意所以落單嘅時候指明要走豉油。用上幾爽口嘅蝦滑，料非常多，多到我唔覺有豆腐。芫茜亦都非常多，似乎蓋過咗蝦滑同豆腐嘅鮮味，不過味道都唔錯，可能我鍾意芫茜啦蝦醬芥蘭：落單時叫咗少蝦醬，上菜時無撈勻，覺得都OK吖唔算鹹，而且好有新鮮菜味冇渣，好有口感。但食到尾發現原來有好多蝦醬喺底，可能對佢地嚟講已經係叫做少咗蝦醬，我已經係食得鹹，但係都真係頂唔順.....荔蓉香酥鴨：有8件，靚嘅荔蓉香酥鴨係應該外皮酥脆，但呢件呢，有部份位置濕淋淋，有部份就非常硬又'火農'，吸晒油又油膩！向天嗰邊顏色還可接受，好勉強係金黃色，但向碟嗰邊呢，深
食物：有＄638嘅聖誕餐，不過食物唔太吸引，所以散叫算數
花雕蒸蟹鉗：一上菜就聞到勁香嘅花雕味，浸住一隻大蟹鉗，側邊有少少蟹肉，有啲薑絲。蟹肉鮮味稍遜，而且肉質有啲削，唔得
蝦子柚皮：一份有半塊柚皮。個獻唔鹹，柚皮入口即化冇苦澀味，但係一齊食個感覺似係獻有獻味，柚皮有柚皮味，兩者唔可以二合為一，但都合格嘅
龍王老少平安：睇openrice嘅相見到落咗好多豉油，屋企人唔鍾意所以落單嘅時候指明要走豉油。用上幾爽口嘅蝦滑，料非常多，多到我唔覺有豆腐。芫茜亦都非常多，似乎蓋過咗蝦滑同豆腐嘅鮮味，不過味道都唔錯，可能我鍾意芫茜啦
蝦醬芥蘭：落單時叫咗少蝦醬，上菜時無撈勻，覺得都OK吖唔算鹹，而且好有新鮮菜味冇渣，好有口感。但食到尾發現原來有好多蝦醬喺底，可能對佢地嚟講已經係叫做少咗蝦醬，我已經係食得鹹，但係都真係頂唔順.....
荔蓉香酥鴨：有8件，靚嘅荔蓉香酥鴨係應該外皮酥脆，但呢件呢，有部份位置濕淋淋，有部份就非常硬又'火農'，吸晒油又油膩！向天嗰邊顏色還可接受，好勉強係金黃色，但向碟嗰邊呢，深啡黑色㗎喎！仲要越食越有油益味！
龍蝦頭兩面黃：傳統嘅兩面黃係兩面金黃，中間鬆軟。但呢度嘅兩面黃呢，應該改名做零面黃。只不過係求其一餅麵再是但倒啲得個鹹字嘅豉汁上去，放舊龍蝦尾再加幾舊龍蝦就收你＄368！
服務：有啲好似發緊夢咁，我一到咗係咪應該問我有冇訂位呢？成間嘢已經唔係大㗎啦，望住我差唔多行到埋張檯度都唔理吓我.... 都叫做有禮貌嘅，但係明知冇乜客，如果你哋要傾計係咪應該企入啲先好細細聲傾呢？你哋講到咁大聲其實我真係會好想搭嘴㗎。仲有食物上菜太慢，冇乜客都可以咁慢嘅？？
嚟呢度之前已經有幾個朋友話唔好試啦真係唔好食㗎！但本住好唔好食我都試一餐嘅心態嚟試下囉。食物唔係難食，只不過係一碟不如一碟，越食越差。但問題係你搞到自己個格局好高檔，價錢又非常進取，但係性價比超級低喎。而且我睇唔出佢地有幾用心去對待食物，咁嘅價錢，去港灣壹號、文華廳都食到，人地又抵食又好味，咁點解仲要嚟你呢度試呢？？？？？？？
花雕蒸蟹鉗
$168
14 瀏覽
0 讚好
0 留言
蝦子柚皮
$118
12 瀏覽
0 讚好
0 留言
龍皇老少平安
$198
23 瀏覽
0 讚好
0 留言
蝦醬芥蘭煲
$138
10 瀏覽
0 讚好
0 留言
荔茸香酥鴨
$188
23 瀏覽
0 讚好
0 留言
荔茸香酥鴨
$188
10 瀏覽
0 讚好
0 留言
龍蝦球兩面黃
$368
27 瀏覽
0 讚好
0 留言
張貼
