瀛本壽司 (已結業)

話說過咗聖誕都幾個月，我而家先記得要寫食評……事緣聖誕唔想同人逼，2條傻仔諗住附近食啲嘢就算，咁啱呢間開咗一排都未試過，就你啦~ 唔洗等位係意料中事，但見成間餐廳都無乜人，個心有d離一離… 死就死啦 XD真係估佢唔到，竟然咁偏僻既細舖有魴鮄食!!! 小弟見識少，暫時無響香港既日本餐廳見到佢過，淨係睇漫畫知道佢腳渣 XD 不過我地呢次冇選擇佢，反而食咗佐佐木~一上台，靚! 薄切嘅魚肉片到透明，少少粉紅色再襯埋隻碟既藍色，一睇已經有返d信心~ 一半厚切一半藝切既選擇絕對冇錯，2種切法，2種口感，唔止口感，原來食味都會因止唔同，正!再上嚟嘅係炸咗既魚頭魚骨，惹味香口又嫩滑，又一個good!跟住嚟嘅鮟魚康魚肝，雖然唔算好滑，不過味道濃郁，都唔錯~ 再嚟個柚子胡椒豚肉，好香口，好惹味，好快就KO咗~ 嚟到呢度其實我已經接近飽，所以之後既壽喜燒都食唔晒，第一次食壽喜燒既我覺得佢味道都好好既，不過唔鍾意食甜嘅我覺得偏甜，不過聽講正宗既都係咁甜? 最後嚟既燒飯團，我堅係食唔落，咬2啖就放棄，唔係佢唔好，係自己眼闊肚窄叫得太多，下次唔會架啦~~ps. 之後都有再嚟食過，水準keep到~