紅橋 (已結業)

聖誕前夕最啱就係約朋友一齊去食飯，今次約咗一位朋友喺旺角嘆返個平民西餐叫咗一份set，有齊餐湯、前菜同主食，仲可以額外加配小食添。餐湯係野菌忌廉湯，非常creamy，而且味道仲好滑。前菜係呢款清清地又開胃嘅沙律，而且仲有一片Parma ham 添，真心有驚喜！而主食就係呢一款黑松露忌廉汁海蝦帶子燴意粉，意粉嘅味道唔會好鹹，而且仲好有海鮮嘅鮮甜味道。海蝦同帶子都好大粒，絕無欺場，份量都好足添至於小食就加配左芝麻蝦多士同埋芝心雞翼。蝦多士配埋煉奶絕對滋味，而且又唔會太甜，值得推介。而雞翼亦都好嫩滑，入邊仲有餡料添。兩款小食一齊分享，一邊食一邊傾，真係好正