福岡.烏龍魚男 (已結業)

開業時食過魚男嘅9段架，聖誕節又係破費嘅時侯，今次食咗個2人Christmas Set👯‍♀，個造型好有趣😆，係一個可以轉嘅聖誕樹🎄層架，一路食一路轉，好有gimmick ⭐️❤️! 個set 有齊壽司、刺身、炸物、漬物、卷物、湯烏冬，連同2杯酒精飲品🥂。點餐後，先有2杯果味welcome drink~d碟同食具都好靚啊~Fishman層層樹╳卷物╳魚湯烏冬（$598/2人）層層樹🎄有12款食物，每款都係2人份量。牡丹蝦、鮟康魚肝、海膽、深海池魚、鯹鰻配生文魚籽、南瓜蓉餅、芝士年糕、大拖羅、魷魚🦑、金鰁鯛、中拖羅壽司🍣。整體上魚生質素不錯👍🏻，特別係中拖羅同大拖羅，肥美而且魚肉新鮮柔軟，入口即融😍！唯獨海膽唔夠新鮮。而炸物方面，南瓜蓉餅同芝士年糕都新鮮炸出唔油膩，芝士年糕勁煙韌，好正❤️！旁邊仲有一個用三文魚卷物砌成嘅聖誕樹🎄，再配上鹹鮮嘅三文魚籽係聰明嘅配搭，味道非常唔錯！漬物前菜有6小碟，食完好開胃，而烏冬囗感滑溜，不過魚湯偏淡。食物唔算多，都夠2個女仔分💃🏻，不過如果係一對情侶去，就應該要再點其他野食lu🙆🏻‍♀️～整體上有睇頭，味道都幾好，但價性比唔高啦😆