Angelina Paris (已結業)

聖誕一年得一次，點都要食好少少。位於中環IFC既Angelina除左坐擁維港夜景，仲係由百幾年前就係巴黎創立，經典又氣派。未食都試到貴族既滋味。 鵝肝醬配橙啫喱及法式多士Starter鵝肝醬軟滑香濃，配上橙啫喱同酸醬，清新解膩；法式多士鬆軟好香肉桂味。 鹿肉配火箭菜及芥末醬 鹿肉肉味好濃郁，薄切食比較清爽唔膩；配上味道出眾既火箭菜，好清新。 栗子松露湯 松露湯好濃郁香口。湯裡面配上栗子蓉非常特別。飲落有別於一般松露湯，係甜甜地。最驚喜係呢個湯。 Cleansing palate係Champagne味雪葩，酒味甜膩，口感輕盈。食完解一解膩就可以食main啦。 烤火雞配鵝肝及栗子醬 火雞肉烤得非常滑，唔會好似一般既鞋口。鵝肝略為淡味，配上火雞汁同紅莓醬就好清新。 煙肉包魚肉 monkfish煮得非常嫩滑好juicy，焗得微脆既煙肉增添香口感；配上西芹蘋果醬同節瓜，整體味道清淡溫和。 羊肚菌意大利菜配火箭菜 意大利飯煮得一流。飯芯偏硬而又唔係生，醬汁稠密度好好，creamy得黎又唔膩，配上火箭菜解膩感。parmesan cheese片鹹香惹味，最鍾意呢道main。