牛角日本燒肉專門店 (已結業)

今日同朋友食聖誕飯，朋友話想試下牛角噶燒肉放題，於是就去左最近噶旺角店啦。有3種價位噶放題，我地揀左中價位噶，因為有牛肉。牛角噶質素一向唔錯，原來放題噶品質都幾好架，我地差唔多每樣都叫d試下，最好食梗係牛肉同牛舌啦。叫到成檯都係野食，見到都開心。番薯好好味，好甜，冬天食就最適合啦，有encore到架，魚肉就麻麻地啦，個人麻麻地雞肉，但朋友話唔錯，食得出唔係差噶雞肉。個面都幾好食，可以一試。最後食個雪糕做甜品，好滿足啊。