鳳城酒家 (已結業)

做冬大過年，當然要同家人食餐好。最終揀了又懷舊又傳統的鳳城酒家。好在早成個星期book 位，否則好似好多walk in 客咁，被迫失望地離開。蒸石班，蒸得剛好，條魚好新鮮。大良炒鮮奶，老人家的我至愛。炸子雞，外脆內嫩。蝦多士，多士脆到無朋友。生炒骨，味道一般。炒蝦鉗，點少少醋，即把蝦味提升， 值得推介生腸豬腳仔海蜇， 又係好食到冇朋友，生腸好粗大又爽，正正正。乳豬仔，细细隻，皮脆肉嫩多汁。壽包，不錯的甜品。