So Bar (已結業)

之前黎幫襯過蘇媽既馬拉菜，今次終於有機會黎So Bar飲野啦！餐廳既樓底好高，座位之間相隔好闊，空間感好夠。燈光比較暗，除左餐廳內既位置亦有露槍位，好啱同朋友坐底傾下計。而且臨迎萬聖節，餐廳仲有唔少萬聖節既裝飾同佈置，非常有節日氣氛～✨Seafood platter份量非常豐富，有帶子、蜆、鮑魚、龍蝦！帶子係刺身黎，食落去好鮮甜。鮑魚夠彈牙、蜆肉厚夠飽滿。最中意既始終都係龍蝦，龍蝦肉實淨有鮮味，配埋佢地用whiskey 自家制既蛋黃醬，非常野味！✨Breath of joy係用左威士忌做基酒既cocktail，入面有熱情果、文冬薑、薰衣草同檸檬等成分，成杯呈漸變既效果，放係燈光上面超靚！上面有一塊梨乾配上熱情果肉，店員話比等地聽要食左塊梨乾先，入口有梨乾既清甜而熱情果既酸帶黎變化，減輕whisky既酒味，帶黎完美既平衡。✨Ciao呢杯用左Gin做基酒，開頭以為芫茜一定好臭草青味，但估唔到意外地清新，配上少少檸檬既酸，成杯飲落好fresh 好舒服！