韓半島 (已結業)

尖沙咀H8係呢兩年已經係搵食地標之一，整棟大廈入面有不同的餐廳林立。今日就同家人去左1樓的韓半島去試下新餐廳，點知又有新驚喜！餐廳最特別的就係菜式的名字，單看名字覺得好有詩意，但係完全估唔到係咩食物，好彩有圖片同有簡介先識得點單！特製甜辣醬炒魷魚飯糰賣相同埋隻碟非常美麗。特製的甜辣醬偏辣，魷魚非常軟身，一啖就識得斷開，口感好得意。味道唔錯，雖然有點太辣，但係都好惹味！五花腩肉泡菜炒飯配真空低溫烹調蛋泡菜辣味不重，味道其實比較像一道普通的炒飯，但是味道是好的。蛋有半流心的效果，蛋汁流入飯中味道更溫和。薯仔煎餅配上多種海鮮丶椒絲及香葉幾有特色的一道菜，薯絲的味道好香，口感鬆脆，海鮮的味道配上脆脆的薯絲底，一種新嘗絲的口感與味道！沾上酸酸的醬汁，相當不錯！五花腩肉特製大醬忌廉意粉係我4種菜之中最喜歡的一道菜！奶油同芝士的味道的味道好香好濃郁，而五花腩肉經過香煎後，豬油滲入意粉之中，味道更豐富。意粉煮得唔會太軟身，口感非常好！整體成道菜式都超喜歡！