嘉道理農場素食亭 (已結業)

12月25日聖誕節同屋企人去左嘉道理農場玩左一日,1點幾去左醫肚,呢間素菜餐廳係社企的,好似係新開業的,入面只有這間餐廳選擇,所以好多人,我地叫左套餐,冬瓜什菌紅米飯,另外我叫左什果螺絲粉,都係35元一份,加10元有熱豆漿或雙花湯,叫左兩個湯兩杯豆漿.自助形式,我地等左唔係好耐就嚟啦,果日天氣好凍,好彩有陽光,這裏係坐室外的,所以嘢食都好快會凍.什菌紅米飯賣相都幾靚,味道都好健康,因為好清淡,但都好多料的,一半係料,一半係飯,都ok呀.雙花湯原來係西蘭花加椰菜花,淡淡地不過都幾好味.攪碎左既材料加些忌廉,唔會好濃,ok.我的螺絲粉賣相都好吸引,有提子,粟米,一些什果,螺絲粉,蕃茄,生菜鋪底,好大碟呀,味道都幾好,雖然都係冇咩味,不過好清,但太凍啦,天氣冇咁凍食會仲好味呀.一路坐一路食一路有好多人嚟幫襯,除左套餐外,還有pizza,三文治等等,價錢都化算的.仕應都好勤快的收拾東西呀!!