嶼坊

營業中

休息中

我經常都食自助餐，但東涌嘅酒店就第一次試，見到呢間酒店有聖誕自助午餐，於是上網買飛去食。餐廳環境好大，食物種類夠多，節日氣氛濃厚，但美中不足係飲品選擇太少，只有咖啡同薑茶，而橙汁同蘋果汁任飲就$48。個人認為最少都應該有茶、檸檬提供，或者每位一杯餐飲等等嘅安排。而且，我都係為咗火雞同威靈頓牛柳而嚟，可惜當日中午自助餐無火雞，有燒火腿，威靈頓牛柳都只係斷斷續續咁供應，大部分時間都係供應燒牛肉。甜品方面，曲奇餅同聖誕麵包幾好味，有聖誕風味。如果能提供樹頭蛋糕或其他聖誕應節甜品會更好。