影片
更多
2023-01-01
702 瀏覽
聖誕節，今年老公不在港，仔又要返工，原本重諗住要自己在家無聊過。又估唔到仔仔怕我節日一個人悶，一早同公司講左25,26紅日都不上班。不過得我同仔仔都係冇乜野好做，就搵埋婆婆一齊出去食個晚飯啦。反正舅父亦不在港，我地唔搵婆婆，佢又係一個人過。係商場行黎行去都唔知食乜好，行過The Spaghetti House見到佢個芝士火鍋幾吸引就決定食佢啦。不過雖然望落唔多人，結果我地等位都等左大半個鐘，好彩有得坐住等，唔會話企到累，等到心情唔好。我地叫左個牛肉拼盤芝士火鍋 ＋20蚊轉左香草醬芝士火鍋汁，再加多個肉醬闊麵，雖然睇落唔多野食，但食到我地三婆孫都好飽呢，因為芝士真係好漏，不過真係好好味。跟芝士火鍋的煙三文魚沙律，沙律本身都冇乜特別，煙三文魚都幾大片的，唔錯。另外叫的焗芝士肉醬闊麵，仔仔一向鍾意食肉醬闊麵；如果好似Pizza Hut咁有薯容係4邊就更好了。芝士火鍋的燒牛肉，因為依碟牛肉，個芝士火鍋貴左成百蚊架，佢有另一set芝士火鍋冇燒牛肉的只係400幾蚊芝士火鍋，好正丫。個芝士火鍋Set本身都唔少野食，有法包，粟米，西蘭花，啡菇，肉丸，通粉，雞翼，炸魚手指，炸芝士條咁上下。最好味，真係法
係商場行黎行去都唔知食乜好，行過The Spaghetti House見到佢個芝士火鍋幾吸引就決定食佢啦。不過雖然望落唔多人，結果我地等位都等左大半個鐘，好彩有得坐住等，唔會話企到累，等到心情唔好。
我地叫左個牛肉拼盤芝士火鍋 ＋20蚊轉左香草醬芝士火鍋汁，再加多個肉醬闊麵，雖然睇落唔多野食，但食到我地三婆孫都好飽呢，因為芝士真係好漏，不過真係好好味。
跟芝士火鍋的煙三文魚沙律，沙律本身都冇乜特別，煙三文魚都幾大片的，唔錯。
另外叫的焗芝士肉醬闊麵，仔仔一向鍾意食肉醬闊麵；如果好似Pizza Hut咁有薯容係4邊就更好了。
芝士火鍋的燒牛肉，因為依碟牛肉，個芝士火鍋貴左成百蚊架，佢有另一set芝士火鍋冇燒牛肉的只係400幾蚊
芝士火鍋，好正丫。
個芝士火鍋Set本身都唔少野食，有法包，粟米，西蘭花，啡菇，肉丸，通粉，雞翼，炸魚手指，炸芝士條咁上下。最好味，真係法包，點滿芝士汁...冇得彈丫.
佢碗少通粉都唔錯，仔仔最後係倒左D芝士汁落去攪均黎食。
不過佢果D炸芝士條就麻麻地，打直放，有D夾出黎時見到D芝士已漏晒出黎，得番舊炸粉。但係都係點芝士汁既，都ＯＫ啦。
佢個肉丸我都麻麻地，唔係太鍾意，但仔仔話冇問題，好好味，真係個人口味啦。
食完其實重有半鍋芝士汁，真係好想拎番屋企啦，可惜唔得。
跟餐重有2杯飲品，最後埋單好似700幾。三個人聖誕節，算係咁啦。
張貼
