影片
更多
2011-12-28
21 瀏覽
老遠已經聽到老闆娘個仔叫賣, 叫啲人去食佢哋0既石磨豆腐花. 見佢叫得咁開心梗係嚟幫襯吓啦!間鋪頭唔係好大, 得幾張枱, 好住家式咁, 周圍擺滿晒啲家庭照, 牆上面仲貼滿晒小朋友畫0既畫添. 我哋成班七個人一入去就有位坐, 都咪話唔好彩!我本來想叫豆花加杏仁露, 點知佢哋冇晒杏仁, 於是我就改叫太極啦. 我哋一行七人, 叫咗六碗太極, 一碗豆花.芝麻糊嗰 part 超好食, 勁滑淨, 啲芝麻味又香. 豆花個 part 就差少少, 唔係太夠豆味, 不過加咗糖都 OK 0既.總括嚟講都幾好食, 又平, 值得推薦! 最衰佢哋冇晒杏仁, 如果唔係我一定會試!
張貼
