影片
更多
2021-12-25
159 瀏覽
就黎到聖誕開始多約會了！聖誕咁開心嘅日子又點可以唔食餐好嫁呢！今次朋友就帶左我黎試一間佢食過嘅酒吧餐廳，地理位置都好方便，大家放工過去都就腳。呢度提供嘅野食都幾多元化，就算我地第二日要返工唔想飲酒都岩食～聽朋友講佢上次黎同今次嘅餐牌唔同左，所以試下佢上次冇試過嘅新野！火焰雞翼，雖然佢擺盤簡單，但火焰效果非常犀利，打卡一流！雞翼外皮焗得香脆，入面就好嫩滑，配埋蜜糖香香甜甜，簡單好食，印象中都有起碼8隻雞翼，適合一大班人share~龍蝦包配薯條，呢個係今晚mvp! 龍蝦包睇落唔算好大份，但爆餡嘅程度簡直係嚇親，材料一D 都唔吝嗇，龍蝦肉都好多，雖然醬嘅份量都有返咁上下但完全唔會覺得膩，忍唔住一啖又一啖！麵包焗得脆身，充滿牛油香！薯條份量好多，而且係有辣味粉嘅，超級高質，唔點茄汁都完全冇問題！慶祝聖誕攞正牌可以食豪D! 問餐廳職員有咩介紹嘅時候，佢就大推呢個Shake shake 海鮮，話佢地嘅醬汁係自己調配嘅特色馬來西亞辣汁，咁就試下啦。我地唔太食得辣所以就叫小辣，呢個辣度岩岩好，有辣味之餘又唔需要係咁飲水，酸酸甜甜好開胃。我地叫左蝦，帆立貝，大蜆，青口同鮑魚，其中最推介鮑魚同大蜆，雖然海
佢食過嘅酒吧餐廳，地理位置都好方便，大家放工過去都就腳。呢度提供嘅野食都幾多元化，就算我地第二日要返工唔想飲酒都岩食～聽朋友講佢上次黎同今次嘅餐牌唔同左，所以試下佢上次冇試過嘅新野！
火焰雞翼，雖然佢擺盤簡單，但火焰效果非常犀利，打卡一流！雞翼外皮焗得香脆，入面就好嫩滑，配埋蜜糖香香甜甜，簡單好食，印象中都有起碼8隻雞翼，適合一大班人share~
龍蝦包配薯條，呢個係今晚mvp! 龍蝦包睇落唔算好大份，但爆餡嘅程度簡直係嚇親，材料一D 都唔吝嗇，龍蝦肉都好多，雖然醬嘅份量都有返咁上下但完全唔會覺得膩，忍唔住一啖又一啖！麵包焗得脆身，充滿牛油香！薯條份量好多，而且係有辣味粉嘅，超級高質，唔點茄汁都完全冇問題！
慶祝聖誕攞正牌可以食豪D! 問餐廳職員有咩介紹嘅時候，佢就大推呢個Shake shake 海鮮，話佢地嘅醬汁係自己調配嘅特色馬來西亞辣汁，咁就試下啦。我地唔太食得辣所以就叫小辣，呢個辣度岩岩好，有辣味之餘又唔需要係咁飲水，酸酸甜甜好開胃。我地叫左蝦，帆立貝，大蜆，青口同鮑魚，其中最推介鮑魚同大蜆，雖然海鮮嘅甜味比醬汁蓋過左，但係口感上食得出係新鮮，唔係個D放左好耐梅梅地咁嘅口感！
張貼
