牛雜佬 (已結業)

另一篇食評講到，我地每人買１－２樣野去開ｐａｒｔｙ，我買左壽司外，仲買左太安樓牛雜佬的牛雜。牛雜佬兩公婆，十年如一日，記得差不多１０年前搬到筲箕灣時，已經係夫剪婆收錢，味道真係十年不變！車仔麵都入左舖，牛雜佬仍然堅守水電舖前，除左牛雜同蘿蔔之外，依家仲加入豬皮同柚皮，兩者都入味非常，都係１０蚊２０蚊咁賣。去到將軍澳，除左臭豆腐較為搶鏡，牛雜都算最受歡迎啦，最早清盒，無他，友人當中不少在西灣河長大，食左幾十年牛雜了。