影片
更多
2016-10-18
181 瀏覽
來到聚一醉與朋友打邊爐的一個晚上，雖然沒有做到醉的效果，但還是充滿喜悅的，能夠和很久冇見的朋友一齊烚下烚下，又可以食到美味的火鍋配料真係幸福。 想比較提一提嘅係佢嘅炸魚皮，唔好講笑，真係我食過最好食嘅炸魚皮，本身我本人唔係好鍾意食炸魚皮，但試了一舊之後（未烚）真係覺得脆過食薯片，而佢個魚皮又好似比平時食到的薄身，又完全冇油膩感，好light。佢個響鈴係即炸的，當然都係一咬即碎啦！好欣賞聚一醉的誠意，小小的一碟菜式都看到餐廳真心注重食客的感受而唔係只為賺錢就算。最重點我當然要講一講我的最愛肥牛，我哋點了手切牛頸脊（細），但面前的份量叫我地十分驚喜，好大碟，真係食牛都可以食到飽，仲覺得好好彩冇叫到大，如果唔係食唔晒就會浪費。睇得出牛肉好新鮮，成碟都冇完全冇血水滲留在碟上面，而且片片都幾夠厚身，當然塊肉的紋理都有相你睇，分布得好細密。食落濃郁的牛肉味充滿整個口腔，仲要流出滑溜的牛脂，真係令人講起都好想再返去食。海鮮方面我哋叫咗脆骨腩，珊瑚蚌，桂花蚌，全部都幾新鮮。佢用個墨魚滑同鮮蝦滑構成一個乾坤圖，別出心裁！上面仲會加上一啲魚籽，鮮美的之中咬到有少少卜卜脆的魚籽仔，口感幾特別。最後想特別讚揚
來到聚一醉與朋友打邊爐的一個晚上，雖然沒有做到醉的效果，但還是充滿喜悅的，能夠和很久冇見的朋友一齊烚下烚下，又可以食到美味的火鍋配料真係幸福。
想比較提一提嘅係佢嘅炸魚皮，唔好講笑，真係我食過最好食嘅炸魚皮，本身我本人唔係好鍾意食炸魚皮，但試了一舊之後（未烚）真係覺得脆過食薯片，而佢個魚皮又好似比平時食到的薄身，又完全冇油膩感，好light。
佢個響鈴係即炸的，當然都係一咬即碎啦！好欣賞聚一醉的誠意，小小的一碟菜式都看到餐廳真心注重食客的感受而唔係只為賺錢就算。
最重點我當然要講一講我的最愛肥牛，我哋點了手切牛頸脊（細），但面前的份量叫我地十分驚喜，好大碟，真係食牛都可以食到飽，仲覺得好好彩冇叫到大，如果唔係食唔晒就會浪費。睇得出牛肉好新鮮，成碟都冇完全冇血水滲留在碟上面，而且片片都幾夠厚身，當然塊肉的紋理都有相你睇，分布得好細密。食落濃郁的牛肉味充滿整個口腔，仲要流出滑溜的牛脂，真係令人講起都好想再返去食。
海鮮方面我哋叫咗脆骨腩，珊瑚蚌，桂花蚌，全部都幾新鮮。佢用個墨魚滑同鮮蝦滑構成一個乾坤圖，別出心裁！上面仲會加上一啲魚籽，鮮美的之中咬到有少少卜卜脆的魚籽仔，口感幾特別。
最後想特別讚揚佢個金菇，由於我同身旁的朋友都係好鍾意食金菇，我哋叫一碟再一碟。其實一碟金菇的份量已經好得體，而且根部清潔得好乾淨（又係誠意的表現），見到面前一束束潔白的金菇，令人更加難以抗拒，所以食完又再點。中途一個叔叔同媽媽feel的阿姨，好密集過嚟serve我哋，一冇茶就幫手添，又問我地嘢食好唔好食，又幫我地不停加湯，十分殷勤，希望佢哋生意會越來越好吧，這種溫馨的服務唔係度度都有的！
張貼
