孖啡 (已結業)

今晚同舊同事聚舊，所以又上黎孖啡到食飯吹水，全梳化位，感覺優閒舒適，聚舊傾計就岩哂，呢度仲有card game提供俾客人隨便玩。香草醬海蝦意大利粉香草醬唔會太膩，感覺幾清新，海蝦爽口彈牙，都幾大隻，數量都唔少，意大利粉煮到軟硬適中。炸魚薯條炸魚粉漿夠薄，炸到外脆內軟，魚肉嫩滑。心太軟+雪糕朱古力心太軟製作需時，需要提早15分鐘通知，上檯時外脆內軟，剛好是流心狀態，切開後朱古力漿不斷流出來，不會太甜，配雲呢雪糕食剛剛好。紅莓果冰茶紅莓唔會太酸，帶少少甜味，仲有個花茶底，有消滯解脂功效。