影片
更多
2017-10-27
178 瀏覽
火山燒呢間餐廳想試好耐，終於可以約得齊一班朋友去試下。好少過香港嗰邊，餐廳位置尚算方便，地鐵站出口徒步兩分鐘已經到達。我哋一行六人一上到去火山燒，啲侍應已經好殷勤地招呼我地，安排好座位後就先問問我哋需唔需要叫啲嘢飲先，感覺服務態度幾好。餐廳都幾闊落，坐得幾舒服添！好適合一班朋友坐埋傾計食飯，我哋都好高興咁歡渡一個晚上。稍後我哋就開始落單，但由於選擇繁多所以落單都用咗啲時間。火山燒有燒烤同火鍋兩類，我哋先叫燒烤類。我哋先叫咗燒牛肩肉、牛仔骨、牛舌、和風牛仔腸、豬頸肉、豚肉漢堡、芝士年糕、手羽、多春魚、墨魚咀、燒生蠔、枝豆、翠玉瓜、粟米等等。佢哋嘅燒牛肩肉真係值得一讚，輕輕燒一燒再點少少佢哋嘅燒汁直頭絕配，牛肩肉入口即融，唔知以為係A5和牛切片。另外啲生蠔都好鮮甜，燒後食落肚有喜出望外嘅感覺，完全冇expect過用嚟燒嘅生蠔會有咁高嘅質素。我相信餐廳選料都幾上承，可以話係選料嚴格。到火鍋方面我哋選擇咗人參雞鍋，湯底好濃，冇諗過佢會成隻雞放落去。一般的火鍋肥牛、豚肉、丸類全部都有叫嚟試試。因餐廳主打燒烤所以我哋都主要食燒烤嗰邊。順帶提一提啲肥牛非常有肉味，之後再飲D湯已經好飽。但係飽都要試埋
好少過香港嗰邊，餐廳位置尚算方便，地鐵站出口徒步兩分鐘已經到達。我哋一行六人一上到去火山燒，啲侍應已經好殷勤地招呼我地，安排好座位後就先問問我哋需唔需要叫啲嘢飲先，感覺服務態度幾好。餐廳都幾闊落，坐得幾舒服添！好適合一班朋友坐埋傾計食飯，我哋都好高興咁歡渡一個晚上。
稍後我哋就開始落單，但由於選擇繁多所以落單都用咗啲時間。火山燒有燒烤同火鍋兩類，我哋先叫燒烤類。我哋先叫咗燒牛肩肉、牛仔骨、牛舌、和風牛仔腸、豬頸肉、豚肉漢堡、芝士年糕、手羽、多春魚、墨魚咀、燒生蠔、枝豆、翠玉瓜、粟米等等。佢哋嘅燒牛肩肉真係值得一讚，輕輕燒一燒再點少少佢哋嘅燒汁直頭絕配，牛肩肉入口即融，唔知以為係A5和牛切片。另外啲生蠔都好鮮甜，燒後食落肚有喜出望外嘅感覺，完全冇expect過用嚟燒嘅生蠔會有咁高嘅質素。我相信餐廳選料都幾上承，可以話係選料嚴格。
到火鍋方面我哋選擇咗人參雞鍋，湯底好濃，冇諗過佢會成隻雞放落去。一般的火鍋肥牛、豚肉、丸類全部都有叫嚟試試。因餐廳主打燒烤所以我哋都主要食燒烤嗰邊。順帶提一提啲肥牛非常有肉味，之後再飲D湯已經好飽。
但係飽都要試埋佢哋個雪糕，6款口味雪糕球每個獨立包裝。試咗士多啤梨同綠茶味雪糕，味道唔差texture都滑，最重要係唔太甜，正正滿足哂我嘅要求。
火山燒應該會再去食，300蚊有咁嘅質素仲要喺銅鑼灣黃金地段直頭可遇不可求。
張貼
