To-Gather Cafe (已結業)

約一大班朋友出來，樓上cafe通常都係首選，食完野之後可以留耐d，又有得玩下board game。第一次來呢間to-gather cafe，食物質素相當唔錯，成間cafe都好乾淨企理，board game都幾多，係一個幾好嘅樓上cafe選擇。Party set有兩個，分別係$68同$98/人，包括小食、主食同飲品，我地就叫左$98果個。秘製日式餃子餃子煎得好脆，皮薄餡多，配埋海苔同甜甜嘅燒汁，幾好食！！芝士薯條呢個真係整得好好食，薯條熱辣辣炸起，d醬好多好juicy，唔會好乾！焗豬扒飯豬扒有好多塊而且都幾厚，味道唔錯，個蕃茄汁酸甜度適中，個飯份量都幾多！小食拼盤野食款式都幾多，最推薦蜜蜜燒雞翼，燒雞翼上面搽左一層蜜糖，有一陣輕輕的清甜味，唔係特別太甜，唔會話甜到漏，因為係燒雞翼，唔係炸既，感覺無咁熱氣，食多幾隻都唔怕飲品揀左芒果峰蜜同巨峰提子乳酸，味道都ok，酸酸地，幾o岩夏天解渴！