Table 18 Bar & Restaurant (已結業)

因為有新地商場現金卷，於是就去咗APM食飯，同朋友敘舊所以想搵一個坐得舒服啲可以慢慢傾偈嘅地方，於是就揀咗呢間餐廳啦！我好欣賞呢間餐廳嘅侍應會不停留意顧客嘅需要，見到你水杯冇水會自動過嚟加水，都已經加咗幾次我都有啲唔好意思，今次我哋叫咗個小食拼盤、Pizza、意粉，小食拼盤有好多選擇，雞翼、薯角、洋蔥圈、小魚、雞肉串、炸茄子，而且仲配搭唔同嘅醬汁好貼心，因為每種食物要配嘅醬汁都唔同， Pizza即叫即整熱辣辣，而且芝士好多，食嘅時候仲有拉絲，卡邦尼意粉都好唔錯