麻辣派對 (金百利廣場) (已結業)

之前都係上深圳食酸菜魚，有時癮起，突然都好想食下d麻辣酸辣野。我地搵搵下，發現金百利4樓有間麻辣主打既餐廳，於是我地兩公婆又去試試佢。我有兩位朋友本身係上深圳一日遊既，結果又壞地鐵又落大雨，最後被逼留係香港。咁我就多事邀請埋佢地一齊試新野。食呢d野，多人d先可以叫多d。兩個人可能一碟魚已經搞掂左我地。餐廳周圍都黑媽媽咁，好有party feel，特別有mood！酸菜江團魚配水晶粉 (⭐⭐⭐⭐)我地都有d怕辣，所以保守d要BB辣。酸菜魚的份量都算大，辣度剛剛好，係我地接受到既範圍。食落魚肉鮮甜，最緊要夠滑。另外，鍋裡面加左水晶粉，好入味。不錯的說！派對口水雞 (⭐⭐⭐⭐)雞都幾滑，醬汁夠晒入味，係我想像中既口水雞味道。不過我覺得愈食愈辣。戀味毛肚 (⭐⭐)呢個我就覺得一般。好似唔太入味咁，不過食左咁多辣野，可以當中和一下。凍檸茶 (⭐⭐⭐⭐)呢杯凍檸茶簡直救左我一命，夠晒大杯，夠晒止辣，不錯的說。