聚椒

營業中

休息中

朋友介紹大角咀有間好味既食花甲粉小店，雖然天氣好熱，但今日放假都決定同屋企人一齊出黎試下。我今日個lunch就一於「聚椒」花甲粉啦！就算唔簡其他配菜或者小食，佢呢度既花甲粉已經包左唔少配菜。基本既蒜，芫荽，蔥，重有娃娃菜，豆卜，金菇添！我簡左個微辣湯底，咁就可以食到佢個花甲糖底滿滿既鮮甜味啦！朋友真係無介紹錯啊！成個湯，米粉，其他配菜都好入味，好鮮甜！重要既係花甲既數量都唔少架，好似寶物咁沉晒喺個湯底度越撈越多。要多咗個雞翼小食豐富我嘅午餐。屋企人就要咗個雲川風味小鍋加粉絲，再上配上麻辣微辣。我試左幾啖，佢個個都好吸引。粉絲世一，加埋個好岀味嘅微麻辣味，別有一番風味。配料上揀辣鹵豬軟骨，肥牛，同埋雞腎。辣鹵豬軟骨上肉質好夠淋，易入口，但係軟骨上面都仲能夠保持有咬口，非常好食！雞腎就大大塊，咬落去好爽口。整體黎講，成個小鍋嘅份量上非常足夠，滿滿一鍋，而且味道上亦都好入味！