影片
更多
2019-12-11
2252 瀏覽
最近涼涼地約咗成班同事去牛頭角熟食中心街市大排檔食嘢。當日我哋未夠七點已經去到，但係都需要等十分鐘左右位。咁我哋就叫咗豉油王鵝腸，羊腩煲，椒鹽鮮魷脆皮炸豬手，炸大粒蝦丸等等。咁最近天氣涼兩地最好就梗係整個羊腩煲食下先啦，羊腩煲冇分size嘅，羊腩肉同腐竹都不少，仲附送生菜一碟，羊腩炆得非常軟熟，仲好入味，生菜配埋煲中既汁黎食更加係一絕。脆皮炸豬手個皮真係好脆口，但肉就少左d,好我地人唔多都夠食，而椒鹽鮮魷就無咩特別，同出邊既差唔多，炸大粒蝦丸一炸起上枱時第一啖驚為天人，既彈口又有蝦味，而我最喜歡既都係豉油王鵝腸，鵝腸唔會煮到過熟又味美，但份量就少d，但最好味既竟然係下低既銀芽，吸曬成碟野既味道。其實黎大排檔食嘢最緊要去食個風味同埋你同邊個黎食，大大啖飲下野，大大聲傾下計咁就一晚，開心至極，最後埋單大概人均消費百零蚊，既實惠又好味！
當日我哋未夠七點已經去到，但係都需要等十分鐘左右位。
咁我哋就叫咗豉油王鵝腸，羊腩煲，椒鹽鮮魷脆皮炸豬手，炸大粒蝦丸等等。
咁最近天氣涼兩地最好就梗係整個羊腩煲食下先啦，羊腩煲冇分size嘅，羊腩肉同腐竹都不少，仲附送生菜一碟，羊腩炆得非常軟熟，仲好入味，生菜配埋煲中既汁黎食更加係一絕。
脆皮炸豬手個皮真係好脆口，但肉就少左d,好我地人唔多都夠食，而椒鹽鮮魷就無咩特別，同出邊既差唔多，炸大粒蝦丸一炸起上枱時第一啖驚為天人，既彈口又有蝦味，而我最喜歡既都係豉油王鵝腸，鵝腸唔會煮到過熟又味美，但份量就少d，但最好味既竟然係下低既銀芽，吸曬成碟野既味道。
其實黎大排檔食嘢最緊要去食個風味同埋你同邊個黎食，大大啖飲下野，大大聲傾下計咁就一晚，開心至極，最後埋單大概人均消費百零蚊，既實惠又好味！
張貼
