影片
更多
2019-10-14
133 瀏覽
今天特意相約好姊妹食晚餐。想揀一間環境又靚，又特別嘅餐廳，真係頭都痛，但即刻念起係尖沙咀有呢一間，以梵高為主題概念店餐廳。餐廳地段位於繁榮旺區尖沙咀。仲係1881裏邊，環境真係靚到一絕，係1881上去2樓， 就會見到呢間餐廳《Van Gogh SENSES》。餐廳位於店舖較入地方，入到餐廳侍應會安排你座位，環境幽雅富有藝術氣息，入到去心曠神怡，牆上亦掛滿梵高嘅藝術畫作，侍應有禮地接待，坐低之後，侍應會介紹今日晚餐精選，《Van Gogh SENSES》晚餐有5個部分，分別係前菜，湯，主菜，甜品， 飲品。我哋分別叫左2個餐，前菜係吞拿魚薄片配香草沙律，呢個沙律你會食到唔同嘅味道，喺第啲餐廳好少食到！好特別，有驚喜！另外到餐湯，法式牛肉清湯配黑松露芹菜。聽個名都夠特別，食落好清甜！不錯不錯，到主菜我哋分別叫咗，香煎盲曹魚樓配時令蔬菜配香茅汁！另一個係烤原隻鵪鶉配迷迭香馬鈴薯，裏邊仲有火箭菜百里香汁。。鵪鶉烤得外皮脆脆， 肉質勁鮮嫩！講返盲曹魚柳。外皮又係煎得非常脆口，配埋時令蔬菜，係炸咗嘅小棠菜。又係好有驚喜！到梵高精選甜品，期待已久嘅一刻。一上枱， 我同朋友一齊嘩一聲，真係好靚好精緻，甜
想揀一間環境又靚，又特別嘅餐廳，真係頭都痛，但即刻念起係尖沙咀有呢一間，以梵高為主題概念店餐廳。
餐廳地段位於繁榮旺區尖沙咀。仲係1881裏邊，環境真係靚到一絕，係1881上去2樓， 就會見到呢間餐廳《Van Gogh SENSES》。
餐廳位於店舖較入地方，入到餐廳侍應會安排你座位，環境幽雅富有藝術氣息，入到去心曠神怡，牆上亦掛滿梵高嘅藝術畫作，侍應有禮地接待，坐低之後，侍應會介紹今日晚餐精選，
《Van Gogh SENSES》晚餐有5個部分，分別係前菜，湯，主菜，甜品， 飲品。我哋分別叫左2個餐，前菜係吞拿魚薄片配香草沙律，呢個沙律你會食到唔同嘅味道，喺第啲餐廳好少食到！好特別，有驚喜！
另外到餐湯，法式牛肉清湯配黑松露芹菜。聽個名都夠特別，食落好清甜！不錯不錯，到主菜我哋分別叫咗，香煎盲曹魚樓配時令蔬菜配香茅汁！另一個係烤原隻鵪鶉配迷迭香馬鈴薯，裏邊仲有火箭菜百里香汁。。鵪鶉烤得外皮脆脆， 肉質勁鮮嫩！講返盲曹魚柳。外皮又係煎得非常脆口，配埋時令蔬菜，係炸咗嘅小棠菜。又係好有驚喜！
到梵高精選甜品，期待已久嘅一刻。一上枱， 我同朋友一齊嘩一聲，真係好靚好精緻，甜品係慕絲凍餅。。又係好有驚喜！呢間餐廳帶俾我哋唔同嘅驚喜！最後就係飲品，其實都冇諗過啲乜。我叫咗個cappuccino，點知一上枱，又比杯飲品嘅拉花吸引住，係梵高頭像啊！好利害啊！
而朋友飲咗一杯梵高signature飲品！
名為仲夏向日葵！好香既花茶，仲配埋個真正蜜糖俾你！一絕！
最後，真係要讚下餐廳侍應生，招呼周到，而且面帶笑容，客人會食完一道菜，侍應都會主動幫你換上乾淨碟具。
呢一啲小細節，好多餐廳都忽略咗！呢間真係要讚一讚！環境又舒服，味道食物又吸引，心情真係好開心。值得推介大家帶朋友嚟食！！
張貼
