UCC Coffee Shop (已搬遷) 新店位置

同朋友慶祝生日，第一次幫襯沙田呢間，晚上七點左右到達，等左十五分鐘就有位，我地坐左入沙發裏面，間格相比坐近門口好好多，我地叫左個菠菜三文魚螺絲粉和什菌墨汁飯，兩個套餐都轉左跟餐加($28)，跟湯、餐飲、自助沙律吧，個三文魚螺絲粉開頭以為係一片片既三文魚，點知上枱個時係粒狀既三文魚，味道都ok，反而個墨汁飯就好味好多，雖然食到d牙黑晒，份量都好夠，自助沙律吧選擇都係以罐頭生果為主，咩菠蘿、蜜桃、紅腰豆，另外仲有沙律蝴蝶粉，粟米薯蓉，呢兩款整得幾好食，最唔少得係有啫喱糖(青檸味)，如果技術好好既話可以疊到好高，就算係繁忙時間都唔會趕你早些埋單，待應生服務好好，有不斷為你加水，環境又唔會太嘈吵，好啱同朋友慢慢傾計，值得再試啊！