香港足球會咖啡廳

營業中

休息中

好耐冇嚟呢度，每次嚟都一定係食Lunch buffet，今日受朋友邀請嚟聚餐。論食物呢度款式少，味道一般，但係室外環境有陽光令人放鬆同舒服，就算天氣熱，每次嚟一定會坐室外位置。服務員有笑容亦有禮貌，會不停為客人加水飲用。午巿無生蠔及刺身，海鮮吧只有龍蝦仔及涷蝦，肉質新鮮，煙三文魚亦唔錯。熟食嘅魚柳唔錯。燒牛肉太熟，但肉質出奇哋嫩滑。小籠包穿晒，無咩湯汁，而且只係微暖。甜品做得出色，每樣賣相都精緻，而且用料足。