Espuma (H8) (已易手) 新餐廳

同朋友補祝生日，佢介紹黎espuma試下。第一次黎覺得環境唔錯幾舒適，每樣食物質素都幾高。我地一共叫左四樣野，分別係黑松露醬芝士薯條、馬介休炸薯波、蝦醬蝦乾鮮蝦扁意粉同埋醬燒豬肋骨。蝦醬蝦乾鮮蝦扁意粉：上枱已聞到陣陣香味，蝦醬加上忌廉汁再搭配蝦乾， 味道濃郁，口感好不錯！個人十分推薦！醬燒豬肋骨：肉質鬆軟多汁，份量岩岩好，性價比高。馬介休炸薯波： 薯波炸得金黃香脆，入面夠creamy，不過馬介休咸味可以再多一些。黑松露醬芝士薯條是我朋友至愛，上枱已經食左一大半， 影相都影唔切。總結黎講，呢度食物有驚喜，價錢經濟抵食， 係一個聚餐好地方 ，下次會試下呢度嘅甜品。