円相

營業中

休息中

見到呢間係網上的評價幾好，所以都想去食下!呢到既staff 態度好友善! 午餐時間黎到，原來係有lunch SET ，有定食，又有咖哩，跟埋前菜同味噌湯。另外都仲有會單點。午餐se t - 咖哩漢堡扒飯前菜係枝豆，味噌湯咸味適中。日式咖哩甜味為主，岩曬唔太食得辣既我! 漢堡扒好juicy ，撈埋咖哩食好正。跟餐再加左份炸餃子，呢個都好食，炸得好香脆。明太子蟹籽蝦冷烏冬呢個絕對係令我想再次黎既原因，好creamy 既醬汁，每條烏冬都吸曬汁。而且仲有D紫洋蔥，加左少少辛辣味，好食! 聽店員講佢呢到既craft beer 都好出名，而且款式好多，不過今日冇機會飲到酒，感覺呢到都幾岩一大班朋友聚會。