聚點 (已結業)

星期日同屋企人嚟咗尖沙咀行街，因為有老人家嘅關係就揀選左食中菜，條街附近都係一啲酒吧西餐廳為主，依家算係萬綠叢中一點紅！當晚叫咗六個餸，包括豉汁蒸海上鮮，店員話得倉魚，上到來倉魚都幾大條，唔多骨，有豉汁香！豉油皇乾煎海虎大蝦，虎蝦夠大隻，都算彈牙，配埋豉油王一齊食，味道好夾！聚香雞，呢度嘅招牌菜，份量好足，有雞味，雞肉有嚼頭菜心炒帶子，依碟係女朋友話想食嘅，味道唔會太鹹，清清地，好啱老人家食！粟米魚肚羹，依一個亦都係好啱老人家食，份量都足，味道又唔會過鹹！鮮魷馬蹄蒸肉餅，呢個送飯一流，三樣嘅比例都好好！