影片
更多
2011-03-21
27 瀏覽
先排聽中環朋友講鏞記斜對面翠華附近食廈The Loop樓下有間強勁九州拉麵「秀」會開，我班拉麵狂即刻plan定開幕去試！初初見到個英文名(其實個friend話係日文)，我哋仲研究點讀，指教下原來叫"hee-deh-charn" ... 個日本通friend仲話間嘢喺福岡東京都有，由九州三大拉麵師傅個仔主理，之後去紐約開仲攞埋獎咁wo！不過獎呢D嘢都只可以信少少 ... 自己條脷先信得過！不過另外個日系潮人朋友又話先前睇Milk見到報導MMJ mastermind Japan同日本間「秀拉麵」年頭喺東京日本北青山玩crossover，好似來頭唔細 ... 不過我理得佢潮唔潮，夠唔夠正宗地道先緊要！Anyways ... 呢頭D魚生風頭火勢，學阿Jan Lamb今朝喺"睛朗"話齋，食九州拉麵好似穩陣D ... 哈哈!!!我哋一行3人12點到 ... 都要排第12!! 等咗20mins ... 比預算快！間嘢舖面好闊，原來入面都好小店吓 ... cozy得嚟唔使踎街食，呢吓OK！格局係紅黑加木櫈，casual 地道拉麵店感覺得來有D modern touch。打開餐牌，唔多嘢，咁就要試吓精唔
先排聽中環朋友講鏞記斜對面翠華附近食廈The Loop樓下有間強勁九州拉麵「秀」會開，我班拉麵狂即刻plan定開幕去試！初初見到個英文名(其實個friend話係日文)，我哋仲研究點讀，指教下原來叫"hee-deh-charn" ... 個日本通friend仲話間嘢喺福岡東京都有，由九州三大拉麵師傅個仔主理，之後去紐約開仲攞埋獎咁wo！不過獎呢D嘢都只可以信少少 ... 自己條脷先信得過！不過另外個日系潮人朋友又話先前睇Milk見到報導MMJ mastermind Japan同日本間「秀拉麵」年頭喺東京日本北青山玩crossover，好似來頭唔細 ... 不過我理得佢潮唔潮，夠唔夠正宗地道先緊要！Anyways ... 呢頭D魚生風頭火勢，學阿Jan Lamb今朝喺"睛朗"話齋，食九州拉麵好似穩陣D ... 哈哈!!!
我哋一行3人12點到 ... 都要排第12!! 等咗20mins ... 比預算快！間嘢舖面好闊，原來入面都好小店吓 ... cozy得嚟唔使踎街食，呢吓OK！格局係紅黑加木櫈，casual 地道拉麵店感覺得來有D modern touch。打開餐牌，唔多嘢，咁就要試吓精唔精。有張剔剔紙揀柔硬度同义燒texture ... 好似呢期好多tailor made 我哋幾個叫咗白秀豬骨拉麵、赤秀辣拉麵、撈麵同煎餃子加cheese topping (10隻賣$48,呢樣好抵!!!) ... 首選餃子 ... YUMMY!!!!! 肉汁多，又多topping揀！個白秀D湯超濃，唔係一般嗰種，我個同行潮人朋友話佢上過「秀拉麵」個website知道D湯煲幾日又用咩同日本formula一樣嘅水 ... 我試咗一啖湯一啖麵，加埋支可樂 ... 真心講真係好唔同，好特別，貴為拉麵狂我feel到份九州味，好濃，潮人朋友話前幾日睇「秀拉麵」faceboook報導介紹個日本仔主腦攪完間舖飛返去以白秀賑災(話係佢Daddy幾＋年傳统，日本邊度有事就去邊義煮拉麵 ... 超感動有heart)，我後侮叫咗撈麵無叫有heart白秀，惟有下次試。食赤秀嘅日本之友話同佢上次去福岡個麵底好似(不過佢話福岡好似無呢款辣揀味)，D幼身麵索盡辣汁，加埋隻半熟蛋、double烤义燒同多葱，佢話夠香算掂。
呢次白老鼠算好滿足，又唔使好趕咁返office ... 坐吓傾吓，除咗3個人排得耐DD，我下次單Q或者同honey喺中環食飯都多個飯堂choice ... 下次要成碗白秀同再encore煎餃子!!
張貼
