麥奀雲吞麵世家 (荃新天地)

營業中

休息中

身為荃灣人，今天才有機會嘗試久仰大名的麥奀記麵食(荃新天地分店)。因為今晚將在外面吃晚飯造節，所以午餐唔想太豐富，而且太座曾表示希望嚐嚐麥奀記，因此到此店一試。首先時間太早約12點10分，客人不多，約有十分一客人左右，基本上任坐👍我點了一份牛筋撈麵及一杯凍的五花茶；太座叫了一碗雲呑牛筋麵。牛筋撈麵上檯，發現是用圓碟，可能太耐沒有幫襯麵食店，原來撈麵相信將貨就價，由以往的橢圓型碟妀為圓型碟，所以總覺得麵的份量，好似少了一點，而且沒有青菜伴碟，但是麵及牛筋都能夠保持水準👍至於雲呑牛筋麵，又幾好喎，有四隻奀奀地的有大隻蝦的雲吞及不少牛筋，碗麵可選大碗及細碗，相差七蚊。總括來説，收費$120唔算貴，合格啦!