Come Buy (已結業)

一早已經係呢到見到話荃灣既COME BUY既珍珠奶茶好好飲. 但係無理由專登為左一杯珍珠奶茶走左去荃灣. 嗰日行街時居然比我係旺角街頭發現佢既身影, 不過可惜當日既Quota已爆, 今日再黎梗係要試下. 友人本來諗住幫襯番貢茶, 都比我夾硬拉住黎試.嗰日行過都無留意, come buy既舖頭面積比起其他嗰幾間都大好多. 雖然佢門面已經聚集左一大堆等飲品既人. 不過我哋心諗, 佢咁大間舖, 效率應該會比之前嗰d快d. 不過以我哋等候時間黎睇, 好似佢哋做野都唔effective, 分分鐘慢過嗰兩間豆腐"佣"咁細既舖頭.係等既時間, 佢有個電視仔會係到播佢哋既自我宣傳片, 係等候期間我都好無意思咁望住部電視. 睇左咁耐, 其中一個畫面我係比較有印象, 就係話佢哋係將杯飲品交到客人手上之前, 佢哋會用一塊唔記得有咩特別既布抺一抺飲品上面既水珠先會再交到客人手. 跟住我即刻望一望負責呢個任務既布, 唔知佢幾耐會換一次 or 洗一次呢?至於味道方面, 飲唔到有咩驚喜. 奶茶無咩特別, 不過d珍珠就整得幾甜. 而家珍珠奶茶大杯細杯都係同一個價錢, 變相比個藉口自己食多d~~~~