影片
更多
2017-05-05
145 瀏覽
次次同朋友叫食放題邊爐, 總係離唔開去牛X, 牛乜乜. 真係有時都想試下新野新湯底. 這間HEY, 其實收藏左一陣子. 終於昨天游說到老婆去食. 去到觀塘, 離MTR有點遠. 約8-10分鐘路程, 不過很易找. 就B出口一直向前行到盡頭, 轉個彎就到了. HEY裝修以綠色為主, 感覺很新淨. 睇左下餐牌. 最平的餐可以去到$88. 可以任食豬肉. 咁都好抵WO. 不過難得來一次. 就豪豪佢, 叫個$248, 任食牛小排, 豚肉等等仲另包一客J級肥牛的套餐. 湯底當然是叫黃金椰子雞. 出去拎配料， 嘩簡直用花多眼亂型容。前菜類仲有壽司小卷同沙律都係可以任拎。返埋位時，見到侍應拎住D刺身拼盤幾令. 加$39任食. 食兩轉都回本啦. 所以我地都加埋. 三文魚超新鮮肥美. 虎蝦及甜蝦鮮甜. 另一白身魚及八爪魚則比較普通. 套餐有一碟黑椒蒜片牛柳粒送， 份量都幾大下。牛柳唔Un、有肉汁， 配黑椒蒜片非常惹味。直頭可以撈飯食. 主角終於出場。除左木瓜同雞， 仲有兩碟牛脷兩碟豚肉一碟海鮮一齊上。將木瓜同雞放入椰子湯， 蓋上鍋蓋， 等一轉沙漏既時間就食得。雞件相當滑， 時間真係岩岩好。再嚐一口湯底，
這間HEY, 其實收藏左一陣子. 終於昨天游說到老婆去食.
去到觀塘, 離MTR有點遠. 約8-10分鐘路程, 不過很易找. 就B出口一直向前行到盡頭, 轉個彎就到了.
HEY裝修以綠色為主, 感覺很新淨. 睇左下餐牌. 最平的餐可以去到$88. 可以任食豬肉. 咁都好抵WO. 不過難得來一次. 就豪豪佢, 叫個$248, 任食牛小排, 豚肉等等仲另包一客J級肥牛的套餐. 湯底當然是叫黃金椰子雞.
出去拎配料， 嘩簡直用花多眼亂型容。前菜類仲有壽司小卷同沙律都係可以任拎。
返埋位時，見到侍應拎住D刺身拼盤幾令. 加$39任食. 食兩轉都回本啦. 所以我地都加埋. 三文魚超新鮮肥美. 虎蝦及甜蝦鮮甜. 另一白身魚及八爪魚則比較普通.
套餐有一碟黑椒蒜片牛柳粒送， 份量都幾大下。牛柳唔Un、有肉汁， 配黑椒蒜片非常惹味。直頭可以撈飯食.
主角終於出場。除左木瓜同雞， 仲有兩碟牛脷兩碟豚肉一碟海鮮一齊上。將木瓜同雞放入椰子湯， 蓋上鍋蓋， 等一轉沙漏既時間就食得。雞件相當滑， 時間真係岩岩好。再嚐一口湯底， 清甜得好自然。與其話椰子， 佢既甜味比較似椰青。真係好少有. 特別得黎又美味.
J級大雪肥牛最後到。佢既油脂分佈真係好令. 牛肉切得厚同油花多. 口感食上去有少少似豬頸肉. 味道則是超濃的牛味, 依個係冇得任食架. 想再食就要$168客.
如果唔想加錢, 任食既豚肉片薄切但大大塊, 塊塊都有脂肪, 都好高質素架.
海鮮盤雖然款式唔多. 但魷魚同蠔都好新鮮. 其實食完牛, 雞, 豚肉等等都好夠啦. 海鮮只係錦上添花姐.
最後湯底吸收曬肉味. 越煲越濃. 依個時間再食芋絲,椰菜花真係入曬味. 不過健康黎講緊係先食菜後食肉啦.
埋單連加一$630左右. 食埋刺身, 海鮮, 令肥牛WO. 咁抵唔怪得佢可以做到閒日都爆曬場.
張貼
