爵士拉麵

營業中

休息中

由細到大都係住呢一區，記得以前想食呢間爵士拉麵係要book而佢唔係日日開，細個食果陣的師傅爸爸應該退左休，交左比啊女打理。諗起以前細個屋企人都間唔中黎食下，果陣宜家的女主人仲係細路女幫人落單，宜家已經做左拉麵女師傅了。隔左咁耐，終於的起心肝黎再食返，感受下當年情懷。我覺得整體評價係高。叫左一碗中size肥牛拉麵同一碟煎餃子。拉麵口感好好，入口有少少咬口但唔太硬。湯底我叫左小小辣味噌，味噌夠濃。肥牛亦都夠多。餃子個底煎得夠脆口但入面肉汁好勁，會必出黎果種。