影片
更多
2018-10-04
1043 瀏覽
話說小弟約左個舊同事在ifc吃lunch，小弟都係打工仔，ifc嘅餐廳好食少少的都比較貴，中價選擇下，就揀左呢間Greyhound。其實都去過好幾次，無乜好寫，不過今日發生左呢件事，真係想同大家分享一下！一行3人，因為佢有限1小時用餐時間嘅關系，我地就快快趣落單，一個漂左頭紅紅綠綠頭髮嘅waitress幫我地落單，我地叫左兩碗豬肉烏東（號碼95號），同一碗牛肉米粉（97號），去過greyhound都知道佢個menu好多選擇，所以一般講號碼落單最快靚正！誰知，當食物黎嘅時候，兩碗烏東黎錯左另外兩碗唔知乜肉丸米粉，我地當然向傳菜員提出黎錯野，並告知正確的order。過左幾分鐘，原本個個漂左髮嘅waitress走過黎，用極差的態度質問我地『乜你地唔係叫左呢兩碗米粉咩？』我地回覆佢話唔係，係叫左烏東（95號），佢兩度想再屈我地係叫左個兩碗佢落錯單嘅米粉，但落單時我地非常清晰的講出個餐的號碼（2碗95，1碗97），我好肯定我地無叫錯，但waitress知道屈我地唔到，就話『而家再落要等好耐，你等唔等？』（即係想威脅我地食左佢落錯個兩碗野），其實我地都唔介意等，就話ok無問題，個waitress就
其實都去過好幾次，無乜好寫，不過今日發生左呢件事，真係想同大家分享一下！
一行3人，因為佢有限1小時用餐時間嘅關系，我地就快快趣落單，一個漂左頭紅紅綠綠頭髮嘅waitress幫我地落單，我地叫左兩碗豬肉烏東（號碼95號），同一碗牛肉米粉（97號），去過greyhound都知道佢個menu好多選擇，所以一般講號碼落單最快靚正！
誰知，當食物黎嘅時候，兩碗烏東黎錯左另外兩碗唔知乜肉丸米粉，我地當然向傳菜員提出黎錯野，並告知正確的order。過左幾分鐘，原本個個漂左髮嘅waitress走過黎，用極差的態度質問我地『乜你地唔係叫左呢兩碗米粉咩？』我地回覆佢話唔係，係叫左烏東（95號），佢兩度想再屈我地係叫左個兩碗佢落錯單嘅米粉，但落單時我地非常清晰的講出個餐的號碼（2碗95，1碗97），我好肯定我地無叫錯，但waitress知道屈我地唔到，就話『而家再落要等好耐，你等唔等？』（即係想威脅我地食左佢落錯個兩碗野），其實我地都唔介意等，就話ok無問題，個waitress就好串咁話『咁你地等下啦！』然後黑面跑走左…
再等左大約十幾分鐘，碗麵終於到左
31 瀏覽
0 讚好
0 留言
呢碗麵真係好普通，雖然肉嘅份量算多，不過好多肥膏，湯唔算好濃（偏甜），烏東就淋到無朋友，連加一要約$120，你問值唔值嘅話，我真係當比錢佢交租算…
因為落錯單嘅關系，我地食物到嘅時候，距離1小時用餐時間得返15分鐘，我地都趕緊吃，免得阻住外面排隊的人…1小時的用餐時間好快就到左，個waiter係我地仲未食完野的情況下，埋左我地張單，仲要唔係擺低，而係叫我地即刻埋單，佢有無諗過：
1. 係佢落錯單，食物好遲先黎到，我地得好少時間用餐，都係急住食；
2. 我地唔係食完坐係到唔走，而係仲食緊野的情況下迫我地埋單，請問有無manner/服務 可言？ifc喎，我唔係去食大排檔…
總結：中環呢間greyhound我睇返好多OpenRice 的食評話佢服務差，真係唔係我一個感受到，係有好多人都comment左佢嘅差…職員做錯野，仲想要屈客人自己落錯單，然後仲要黑面用好差的態度串客人。我嘅評語係：食物質素一般，性價比低，服務態度惡劣，用餐時間短，大家去嘅話，要認真考慮。
張貼
