大甲芋圓

營業中

休息中

星期日下午難得經開天瑞，見有間芋圓甜品店就滿心歡喜想買外賣試下，去到當時係1:40左右，我無留意門口寫住星期日下午2點先開始，見有人喺入面就開門打算叫外賣啦！一開門有個亞姐話2點先開喎！咁我哦一聲就出返去等啦！等到2點，因為我手拎住重野加上趕時間就再入返去好聲好氣咁問一聲：想問下你哋仲有幾耐先開架？我睇吓等唔等到！然後亞姐愛理不理咁話：都未夠鐘，夠鐘啦咩？！我心諗：唔通你唔知而家已經2點？咁我就拉返門企喺度諗住等多一陣啦！點知亞姐再開口：夠鐘就會開門架啦！其實我係見已經夠鐘想問下仲有幾耐先開啫！但亞姐同另一個職員完全唔想做你生意咁既樣⋯