韓星星韓國料理 (已結業)

上一次幫襯一入門口坐底就上前菜，前菜來到，有啲款唔岩食，問可唔可以換，對方答拎咗出來就冇得換咁，未拎出來就可以㨂。今次再幫襯，我一入門坐底唔夠5秒就問係咪可以自己㨂前菜，店員答冇得㨂，廚房出咩就上咩。咁我就話上次你地過上之前有得㨂，之後佢點都話冇，問我係咪唔食辣，我答算啦咁，之後來到嘅前菜都唔係我鍾意食嘅，我就冇食，我問有冇甜薯芽菜佢就話今日師傅冇整甜薯，之後就走咗。之後我再stop 住店員問，咁芽菜呢？佢話有，拎咗碟出來，但就不停發皮氣話冇得換，你想食咩邊款就一入來就出聲，好似失咗憶咁，咩話？一入來就出聲？咁即係有得㨂啦？之後佢不停經過我張枱，間中都再補充佢嘅觀點上咗台不能換（主動來找麻煩），話佢態度差，仲答我「我態度係咁差㗎啦」要我上台前就要講有冇XXX呢款前菜，失憶到呢......之後執枱時不停大力掉嘢，發表佢嘅不滿。