Smile Yogurt & Dessert Bar

營業中

休息中

買蛋糕加$20要埋生日牌，畀完錢等咗陣，女店員就寫好，示意我check一check。一睇就見到塊牌係崩嘅。隨即同店員表示個牌崩咗，佢仲問返轉頭轉接唔接受，我心諗客出得聲即係唔接受啦仲問？咁就請店員做過塊，新一塊完整無缺，但手字就求求其其，好那西，明顯心有不甘是L但寫，然後寫字嗰枝朱古力筆仲好似無晒料咁，啲字好似powerpoint 啲藝術字咁，要用少少想像力先睇到佢寫乜，明明崩嗰塊正正常常仲有少少裝飾嘅圖案。不過已經唔想再同佢拗，唯有算。雖然$20唔係咩大數目，但我唔預計店員會畀個崩咗一角嘅牌。而且店員由頭都尾都無任何「唔好意思」，面口西西。其實唔係因為佢做錯野，佢就唔使做兩次啦。希望呢次只係個別事件。不過有機會幫襯時建議check清楚先。