富臨漁港囍臨門酒家 (已結業)

週末安排 與家人食團年飯 ，已在早前電話係富臨長沙灣廣場訂位，同埋問如果想食圍餐，是否宜家就要講埋，職員話，你宜家講埋啦，當 核對所有資料無誤，就掛線。週末當晚，因為 臨近新年好多人都食團年飯， 當我哋入座後，話已經訂咗圍餐時，職員就說訂位無講明訂圍餐，我已經 重複講我訂位是有講 ，但佢就話冇登記 ，咁我就問即場叫啦，職員話無，你walk in就唔係這個價錢，要食就係原價， 即貴咗1600？？真係唔明白已經訂咗位，咩叫做叫walk in？？因我哋已經入咗 ，所以就轉叫第二款圍餐 ，最後生果就變咗糕點 ，問職員點解冇咗餐單上嘅生果，佢就話冇㗎啦係呢啲？？之後埋單，職員無問有無揸車嚟，我地就主動問有無泊車優惠，職員話有，不過你無問？跟住就話我私人比張泊車飛你啦，我地諗，咩叫私人比張我呀？個停車場你開架？，但當時職員態度極差，唔會 幫襯第二次。 綜合以下幾點 1. 訂位唔清唔楚，就話客人無講清楚訂餐，要食原價， 有欺騙 之嫌2. 職員態度差3. 酒樓要注意吓職員嘅培訓及質素