銀咖哩

營業中

休息中

店內阿叔收銀同廚房瘦嗰個廚師，好心收吓把口，極無禮貌，客人簡直貼錢買難受。啲嘢食都唔期望好食，啲飯硬嘅，汽水加水加到離晒譜淡過飲水，連簡單嘅薯角都炸到硬掘掘，餃子乾爭爭，點解可以咁犀利無樣嘢煮得入口，劣食都有少少底線好唔好？係趕時間先幫襯，周圍得呢間食肆無人幫襯，其他都要等位，咁都算，食得劣食都諗住張就，但係啲職員亂稱呼客人，用侮辱性字眼，真係唔擔心執笠？究竟乜心態要咁對客人？睇之前有評論原來已經有類似事發生，即係完全無改善，唔明點解可以咁。