譽小館 (已易手) 新餐廳

同屋企人嚟呢間食點心，由於新開張，冷氣都幾勁吓，因為屋企人怕小朋友會涷親，所以問職員可唔可以轉去比較遠離出風位嘅檯。估唔到職員語出驚人：「坐坐吓就熱㗎啦，我不知幾鬼熱，想冷氣再勁啲呀！」啱嘅，熱同涷其實都係好主觀嘅，職員你覺得熱所以要我哋一家都要覺得熱，呢個理論都幾得意。再來係十問九唔應。屋企人唔想飲茶想飲水，一直舉手，職員都「眼大睇過龍」見唔到，最後我自己行去茶水部想搵熱水壺，其中一名男職員終於見到我（hello我以為我透明冇人見到我呀）好啦職員唔再多講了，想讚吓廚房出點心都幾快手。食物水準不俗，可惜打開門做生意，俾啲職員激到谷鬼氣，好難會再幫襯。