大戶屋

營業中

休息中

今次睇二次去…雖然只係屋企樓下…只不過吉之島改裝後的餐廳都很貴…沒有太多幫親…大戶屋是改裝後第一間試的店子…只是第一次感覺不太好…就無再去…今次再去…事源有日來某雜誌見到話佢啲『吉豬』好得…所以再試…兩個人…叫左兩個定食…大戶屋風味噌吉豬定食炸得剛剛好…外層鬆脆…啲豬扒都同雜誌講既一樣，算幾Juice…不過，唔係肥豬個仲吉豬…我記得唔知邊到食過啲吉豬係入口有啲溶既感覺…佢就無啦，相反就好有肉感…各有各好啦…肉感豐厚，都唔錯架…個味噌醬真係要講一講啦…好到爆呀！甜甜地…唔會太鹹…加埋吉豬一流呀！味噌吉豬…係有啲料到…吉烈炸蠔定食外層一樣鬆脆…入面就仲好有生蠔既感覺…生熟度剛剛好…唔會好似出面有啲咁…炸到隻蠔縮晒水，仲要無晒蠔味…跟碟上有幾個汁比你點蠔…包括芥辣同特色醬油…可以按個人喜好點唔同既醬…都唔錯…整體黎講…兩個定食都唔錯…跟湯、前菜同白飯…略厭碗飯太小…不過，啲飯就唔錯，正宗日本飯…好似可以免費添飯…不過要下次望清楚Meun先可以確定呢樣野…不過，都係好似貴左啲…環境就幾靜幾舒服既…應該會再去…不過，唔可以經常去…會食到無晒錢架…