Deli and Wine (已結業)

黎到大會堂聽音樂會，有啲肚餓想食定啲嘢打底。見附近有間deli and wine，位置超級方便，就喺音樂廳嘅門口。人唔算好多，好快就可以入座啦。環境採取開放設計，坐落比較休閒舒適，價錢亦都合理。我同朋友一共三個人，一人點咗一個餐。首先點左蕃茄忌廉汁蝦扁意粉，意粉賣相吸引，蝦有三塊，體積比較大。蝦嘅味道鮮美，配合蕃茄汁配搭一流。朋友點咗咖哩雞肉配白飯，份量 OK，咖哩唔算好辣，亦唔會食到個口成陣咖哩味。飯身比較乾爽，唔會痴埋一嚿。另一位朋友點咗牛肉腸肉醬意粉，牛肉腸超厚身，有啲似越南式扎肉，幾特別可以一試。肉醬就一般啦。個人認為蕃茄忌廉汁蝦扁意粉比較吸引。一個餐七十蚊到，唔包嘢飲，嘢飲加九蚊，叫咗個奶茶。整體嚟講對呢間餐廳都滿意。