肉搏食堂 (已結業)

厚福街一向勁多食肆，去開果度美甲，每次去美甲都會去附近食埋飯，見到好新開嘅肉搏食堂裝修好企理，就入去食飯啦丼飯選擇好多，雞、豬、牛同埋刺身都有得擇今次我擇食牛，同行豬豬🐷達人就食豚肉，牛肉片係厚切的，熟度對我嚟講剛剛好，完全無標血水，半邊煎封上碟，一啲都唔生～牛肉配上秘製醬汁，食落味道更加豐富！飯粒係珍珠米，粒粒分明，有飯香又甜，做丼飯非常合格👍🏻慢煮會令食物保留本身肉汁亦避免食物在高溫加熱下纖維收縮嘅情況，所以黑豚肉睇落好粉嫩，食落就好軟腍腍！配上雲朵溫泉蛋黃♨️，賣相夠哂吸引，不過原來雲朵係𝖼𝗋𝖾𝖺𝗆 𝖼𝗁𝖾𝖾𝗌𝖾，芝士加上蛋黃撈埋好送飯！牛控叫埋牛肉球，牛肉有油香，而且肉丸撻得好好，好彈牙，不過切開左要盡快食，因為入面充滿肉汁，唔食會整淋個炸皮！飲品兩杯都相當唔錯，甜度剛好，芒果熱情果梳打熱情果味濃啲，醒胃！玫瑰荔枝梳打個荔枝味平衡都好好，係我成日飲到果肉塞住左枝飲管😭餐廳店員好年輕，食店充滿活力，而且服務有禮，對客人回應算好快🏃‍♂️🏃‍♂️🏃‍♂️下次去美甲一定會再去🈯️