Miam Bakery

營業中

休息中

朝早10:15分左右，Miam Bakery嘅肉桂捲出爐。濃郁而甜絲絲嘅肉桂香味充斥住成間麵包店。🤤雖然店內有賣法式鹹派、牛角包🥐、酸種麵包、貝果🥯等，但每次都抵抗唔到肉桂捲嘅香味誘惑，點都買返個先走。1\肉桂捲以前覺得肉桂味道臭，而家反而覺得肉桂捲配咖啡一流👍🏻。肉桂嘅氣味來自肉桂樹嘅樹皮。樹皮內含有特殊成分－肉桂醛，係種有機化合物，所以肉桂樹周圍都會帶有呢種氣味。而取下嘅樹皮，不論條狀肉桂定係肉桂粉，聞落都有陣微微辛辣嘅氣味。當肉桂粉加上糖，製成甜點，味道就變得獨特香甜、唔辛辣。肉桂捲係香港唔常見，即使有賣，賣相亦唔討好。難得係Miam Bakery搵到色香味俱全嘅肉桂捲，超開心🥳！肉桂捲真材實料👍🏻，肉桂嘅辛甜香味非常濃郁，而且口感相當札實，一啖咬落去係甜甜嘅滿足感，配返杯我最鍾意嘅Flat White☕️，幸運爆登~💗2\Basque Cheesecake 有別於傳統芝士蛋糕，燒焦嘅外層、凹陷嘅表面係basque cheesecake 嘅特徵。質感比紐約芝士蛋糕軟身，郤比日本芝士蛋糕硬、稠密。蛋糕烤焦嘅外層較硬身，🤤有種微微燒焦嘅香味，入面亦濕潤軟綿，散發住非常濃郁嘅芝士味道🧀。