影片
更多
2013-01-11
38 瀏覽
9月7日, 今日去太子睇戲, 事前有極多時間周圍閒逛, 於是可以行到過嚟塘尾道呢間恨試好耐嘅馬家莊清真館食牛肉餅~ 我地嚟到嘅時候正值tea time過後, 晚市之前, 餐廳冇乜人, 不過二人餐唔太想食, 又錯過咗好似好抵食嘅團購… 都好, 可以比我地放肆地叫d自己想試嘅野食!::: 秘製牛肉餅 ::: $28絕對係馬家莊主打食物之一! 牛肉餅都幾大幾厚, 標榜係即叫即整, 但外皮只屬微暖, 而且都唔係話好脆喇… 但餡料就真係夠晒熱辣辣~ 牛肉餡超級juicy, 肉汁澎湃, 餅皮亦煙韌有麵粉香, 果然係招牌主打!!::: 咖哩羊腩飯 ::: $45咖哩羊腩飯大大兜, 羊腩份量唔算多, 但舊舊都大大舊咁. 羊腩肉質比牛腩實, 咬落啖啖肉兼帶羊酥味~ 不過咖哩都幾辣, 類近巴基斯坦咖哩但就冇d洋蔥香料味. 食幾啖已經開始發熱出汗, 不過又辣得幾過癮~::: 牛脷擔擔麵 ::: $36牛脷擔擔麵呢個配答真係幾新穎~ 牛脷係大大塊厚片, 咬落軟淋煙韌兼且牛味豐富, 確實唔錯! 麵呢係典型嘅粗身北方麵煙韌索湯又有麵粉味, 索埋個濃郁擔擔湯底十分對味~ 不過擔擔麵始終都較油膩, 加上麵太索湯所以食
::: 秘製牛肉餅 ::: $28
絕對係馬家莊主打食物之一! 牛肉餅都幾大幾厚, 標榜係即叫即整, 但外皮只屬微暖, 而且都唔係話好脆喇… 但餡料就真係夠晒熱辣辣~ 牛肉餡超級juicy, 肉汁澎湃, 餅皮亦煙韌有麵粉香, 果然係招牌主打!!
::: 咖哩羊腩飯 ::: $45
咖哩羊腩飯大大兜, 羊腩份量唔算多, 但舊舊都大大舊咁. 羊腩肉質比牛腩實, 咬落啖啖肉兼帶羊酥味~ 不過咖哩都幾辣, 類近巴基斯坦咖哩但就冇d洋蔥香料味. 食幾啖已經開始發熱出汗, 不過又辣得幾過癮~
::: 牛脷擔擔麵 ::: $36
牛脷擔擔麵呢個配答真係幾新穎~ 牛脷係大大塊厚片, 咬落軟淋煙韌兼且牛味豐富, 確實唔錯! 麵呢係典型嘅粗身北方麵煙韌索湯又有麵粉味, 索埋個濃郁擔擔湯底十分對味~ 不過擔擔麵始終都較油膩, 加上麵太索湯所以食到尾都幾飽肚.
::: 豆漿 ::: $9
豆漿清淡, 豆味唔算好濃, 但夠凍夠順滑, 都ok架喇.
清真食物其實真係唔係周圍都食得到~ 尤其是我地呢d港島人, 要間有清真牛肉餅食嘅地方真係少之又少… 更莫講話要過海食! 不過如果係好食的話, 去遠d地方食其實都係值得的! 今次呢個牛肉餅亦冇令我地失望啦~
張貼