熨烤達人 (已結業)

十月頭假期特別多我都唔蝕底咗3日假，最後一日約咗好朋友去食燒肉，大食的我梗係要任食先夠爽啦！老婆大人就揀咗呢間好攪嘢熨烤達人。 我哋四條友嚟食除咗可以任食豬腩肉外仲送一個水冷麵，個水冷麵有條冰條造型幾過癮喎！食落口感都幾煙韌不過味道就唔係好夠酸如果唔係應該會仲好食啲。呢度最特別嘅莫過於係呢一個熨斗！初初真係唔知以為用嚟做乜鬼嘢，原來佢愛嚟宅住啲肉令到啲肉可以平均咁貼喺燒烤爐上，又幾鬼細心喎。 跟住落嚟侍應就將一啲蛋漿放喺爐邊，原來呢一個爐邊蛋都係免費任食仲係無限添加啱曬我老婆大人啦！ 我哋主要嚟食呢隻韓國豬腩肉係無限任食90分鐘啱曬食肉獸的我吖。 放上燒烤爐近燒熟之後就食得，豬腩肉如果可以再肥美DD應該會更加好味，不過講緊百零蚊任食呢個質素都可以接受啦。 有燒肉食當然要飲埋燒酒啦呢一隻韓國柚子味嘅燒酒都幾好飲㗎！ 最後見到可以加68蚊一位就可以任食穀飼牛扒我呢一個食肉獸又點會放過佢呀！ 嘩呢一晚真係肉火焚食到我好鬼滿足呀！以呢一個價錢咁樣任食燒肉法又真係令人幾開心喎！