影片
更多
2022-08-14
185 瀏覽
好後悔點解唔一早喺電話裝OpenRice，去邊間餐廳前都睇吓食評先至去... 卒之變咗要特登download OpenRice寫呢邊食評，希望大家唔好中伏。我一嚟就試佢最貴個和牛飯198蚊，$198係一個咩概念：有時唔係超肚餓，口痕一家三口去食壽司埋單都係二百鬆。而家一個飯就呢個價錢...其實佢另外仲有$99個西冷牛扒飯，睇幅相啲肉量都唔少，不過我嚟得就梗係試佢招牌菜。好喇嚟正題，首先啲牛肉量同幅相完全比下去就不在話下啦呢啲商品說明條例嘅嘢，我都預咗㗎啦唔通真係俾返幅圖你咩。總之食落去好味就得啦我心諗。但係未擺到落口，淨係見到佢喺啲和牛上面鋪上濃濃嘅醬汁已經feel到伏伏地。唔好話你係咪一個鍾意食牛嘅人，呢個世界有啲嘢唔需要專家先識分，就好似你冇睇開波四年先睇一次世界盃你都會識分乜嘢係好波乜嘢係渣。而講到牛肉，食和牛就肯定係食佢個牛味啦，我要食汁我唔好去食沙嗲牛麵？一擺落口就開始肉痛。$198我本來可以好好地同我屋企人享受一餐天倫之樂嘅美饌。我依家一鋪就落重注買咗呢碗鹹濕和牛飯。啲汁鹹到其實佢係咪和牛都doesn’t matter。係鹹到我情願佢唔係和牛，因為根本係對嗰隻死咗嘅牛極唔尊
我一嚟就試佢最貴個和牛飯198蚊，$198係一個咩概念：有時唔係超肚餓，口痕一家三口去食壽司埋單都係二百鬆。而家一個飯就呢個價錢...
其實佢另外仲有$99個西冷牛扒飯，睇幅相啲肉量都唔少，不過我嚟得就梗係試佢招牌菜。
好喇嚟正題，首先啲牛肉量同幅相完全比下去就不在話下啦呢啲商品說明條例嘅嘢，我都預咗㗎啦唔通真係俾返幅圖你咩。總之食落去好味就得啦我心諗。
但係未擺到落口，淨係見到佢喺啲和牛上面鋪上濃濃嘅醬汁已經feel到伏伏地。唔好話你係咪一個鍾意食牛嘅人，呢個世界有啲嘢唔需要專家先識分，就好似你冇睇開波四年先睇一次世界盃你都會識分乜嘢係好波乜嘢係渣。而講到牛肉，食和牛就肯定係食佢個牛味啦，我要食汁我唔好去食沙嗲牛麵？
一擺落口就開始肉痛。
$198我本來可以好好地同我屋企人享受一餐天倫之樂嘅美饌。我依家一鋪就落重注買咗呢碗鹹濕和牛飯。啲汁鹹到其實佢係咪和牛都doesn’t matter。係鹹到我情願佢唔係和牛，因為根本係對嗰隻死咗嘅牛極唔尊重。
其實呢幾年我都有考慮過轉吓食齋，唔使講到道德問題，純粹覺得健康啲食少啲肉。而家我食完呢餐，我可能真係會食齋。因為我覺得人類對肉真係非常之唔尊重。當我諗到有啲牛死咗之後會俾人製成呢啲咁樣嘅鹹濕和牛飯我就有一種惻隱之心喺裏面湧出來。
如果有啲朋友推廣開素食，我可以提議你同呢間餐廳做個crossover。正所謂破釜沉舟，雖然你推廣素食，但係你叫人嚟食一餐呢碗牛肉飯，佢好似我咁肉痛一次分分鐘會成為咗佢最後一碗牛肉飯。
為咗一碗牛肉飯能夠令到我進入呢種對牛肉又愛又恨，maniacal嘅精神狀態，佢叫做Beef Mania實不為過。如果呢個係呢間餐廳嘅初衷，咁其實佢做到咗。我都唯有respect佢。
張貼